Achacha Food & Beverage Boutique (已結業)

九龙湾对于我同男朋友来讲系一个危险嘅地方，因为𠮶度有好多运动用品减价，成日令我哋大出血。临近新年我哋知道又到减价嘅时候啦，所以今日专程黎到MegaBox行街买嘢之余就梗系要医下肚啦😏Achacha系5楼，吉之岛个层一上长电梯就到，open area同bar table嘅设计令人觉得更悠闲写意☕️下午茶都晤敢食太饱，所以我哋叫野食都晤敢眼阔肚窄👨🏼‍🍳三文鱼菠菜车打芝士法式薄饼。第一次食法式薄饼，台湾早餐店蛋饼有蛋香但总觉得好油腻，相反法式版就煎得香口好吃，又不油腻，芝士添了点芝味又不over，菠菜加上咸香的烟三文鱼，旁边紫薯亦都为成味菜更加提升，令整体咸甜交融🥰大爱！全日早餐一上枱已经比我捉住佢疯狂拍照，卖相colorful，配合星期日放假嘅心情，好refresh💕除咗有比较常见嘅炒蛋、蕃茄等配菜之外，仲有比较少见嘅黑血肠同白燕麦肠，烘过嘅多士微暖焦脆，夹住火腿烟肉一齐食，好有外国街头叹brunch嘅情怀😎配上一杯入口Creamy幼滑嘅咖啡，不失为周末chill out 的好选择。