TC2 (Tea Coffee Two) (已結業)

我唔系街坊，但系呢间coffee shop我已经帮衬过一次，上次有唔好嘅印象，因为人又多，食物质素可能在因为呢个原因相对差咗……今次去系路过嘅 (又或者再畀多次机会佢啦!)。时间系佛诞假期下午两点多钟 ，一走进去，唔知系咪因为假期嘅关系，人比较小，店员亲切地安排我哋上到2楼坐低。地方阔落人少咗，感觉自然系舒服马想点个是日午餐：包括有沙茶酱焗龙脷意粉、一个海鲜忌廉汤，同埋我最喜爱的Mocha。上次印象系食物麻麻，饮品ok但人太多坐得唔舒服……今次嘅感觉有改善，冇人骚扰同食物、饮品质素保持水准。Mocha上面写住I love holiday，配合今日嘅假期 ( 不过如果上面要加cream要加两蚊……)。上次冇试过嘅汤今次试过后，感觉超赞！呢个忌廉汤配上蒜蓉包嘅海鲜汤，有浓沃嘅海鲜味，上面加咗香草配合埋蚬肉、蟹柳， 将整个海鲜味带出；蒜蓉包烘得啱啱好，香口之余仲有一种牛油香味，配合呢个汤好好味。龙脷意粉配沙茶酱绝对冇问题，唯一可惜嘅系意粉本身，应该系预先整定嘅，要改善！整体嚟讲 ，呢个地方啱晒饮个下午茶、倾计聚脚，我相信我会畀多次机会，睇睇佢以后有冇改善