金鶴拉麵 (荷李活道) (已結業)

今日趁周末同老婆游大馆同系附近拍照打咭, 经过荷里活道发现金鹤鹤呢度开左分店, 难得唔需要去到佐敦都食到老婆钟意食嘅鸡汤面, 当然要入去食啦。😁餐厅装修除左门面之外, 同佐敦店大致相同, 都鹤以鹤为主题, 配搭富有日式风格嘅装饰, 感觉既华丽亦非常时尚。座位除左Bar枱之外仲有普通餐枱, 感觉宽敞舒适。我地点左一客招牌拉面同沾面, 另外加左一客饺子, 应该好够食。😙金鹤.鸡白汤拉面 $98系香港主要食嘅都系猪骨或酱油汤面, 不过金鹤就系以鸡汤底黎做拉面, 同猪骨汤相比, 鸡白汤冇咁油腻而且味道较鲜较浓, 用日本赤鸡熬6个小时制成嘅汤底冇多余调味, 鸡味非常突击, 口感浓厚顺滑。配料炸牛蒡非常香脆, 日本萨摩鸡胸肉, 以低温慢煮方式制成, 肉质嫩滑。另外仲有两片火炙黑豚叉烧, 加埋糖心蛋, 非常丰富。😋 金鹤.鸡白汤沾面 $138沾面的配料除左冇炸牛蒡之外基本上同汤面差唔多, 不过面条就比较粗身而且很挂汤, 口感非常弹牙爽口。沾面汤味道比较重, 鸡味亦较浓。😋煎日式饺子 $33饺子外层唔算太脆, 不过皮好薄, 加上馅料饱满多汁, 非常惹味。👍埋单每位约$150, 性价比唔错。👍