逸之燒 (已結業)

今日同朋友喺元朗yoho mall附近揾嘢食，喺yoho mall再行入啲有一条街有好多唔同食肆，其中有一间日本餐厅，装修几有特色就同朋友入去试下。 店内人数唔算太多坐得都松动同舒服，望一望个餐牌个二人餐打咗差唔多七折，就同朋友试下个二人餐，再加杯啤酒。 过咗几分钟店员首先送上海葡萄，海葡萄感觉几清新同爽口，海葡萄本身无咩味，要点上啲油先有味，感觉清新唔错。 之后店员就送上杂锦刺身，总共有六款刺身，每件刺身都系厚切，而且刺身好新鲜，鲍鱼都好鲜甜。 跟住系什锦寿司，寿司总共有十件，寿司上嘅刺身都系新鲜，味道唔错。 之后要食嘅系烧明太子鸡翼，明太子鸡翼外面烧得啱啱好，外皮脆得嚟唔会㶶，而且鸡翼入面酿咗好多明太子，口感好特别。 跟住食嘅系日式薄饼，店员已帮我哋分为四旧，薄饼比较松软而且唔会黏。 再嚟系汁烧鲍鱼仔，鲍鱼味好浓，加上啲烧汁同个鲍鱼好夹。 跟住店员送上清酒煮蚬。啲蚬熟得啱啱好 全部开晒，啲蚬好新鲜而且入面冇晒沙，加上清酒味配蚬一流。 之后系二人餐重点之一炭炉烧松叶蟹膏，一个大炭炉上面放著个松叶蟹盖，蟹盖入面全部都系蟹嫁膏，再加上松叶蟹肉，唔需要剥壳就食到蟹嘅精