真鮨 (已結業)

某日星期六lunch时间经过金巴利道，边行边睇有咩食，望到呢间摆门口个大餐牌有鳗鱼蛋包饭（咖哩汁），有位㖞，就入嚟试上佢。第一次嚟既，店内空间细少，我一个人拣左卡位坐。人客唔多得几个人，一望餐牌都系叫返鳗鱼蛋包饭，加个小食加埋个餐饮。鳗鱼蛋包饭👈🏻个咖哩汁还可以，蛋都有蛋味都偏滑，鳗鱼系港式鳗鱼份量系大条既，白饭冻冻地而且偏硬（完全冇日本米既粘性），整体普通。忌廉蟹肉薯饼👈🏻忌廉薯饼而已，个样一点都唔日式，冇蟹肉味，好在佢系即炸，热辣辣。热伯爵绿茶👈🏻可以，有时伯爵茶都几大味，但呢只绿茶伯爵就两者平衡返个味。顺带一提，其实个场冇咩客，果一刻都系得我叫野食，但职员有点不愿意要工作既态度咁，全程可以冇反应，都唔知佢其实听唔听到咁。其实返工做好基本责任系必须的。