鐵牛台灣牛肉麵 (旺角中心第一座) (已結業)

一人台式晚餐一个人放工去旺角食晚餐都真系几难抉择，最后黎左呢间想试好内既台湾牛肉面。呢间台式餐厅系旺中都开左一排，人流都算多，而且餐厅十分贴心，除左卡座亦设有一人bar 台，就算一个人去食野都吾使担心怕无位啦。餐厅环境都好新潮，以木色为主调，餐厅为配合主题，长期都会播放台湾音乐，而且重要系童年回忆歌曲，听落特别有共鸣。而点餐方面，都系行自助形式，客人选择好餐点，可以去柜位排队比钱，然后安坐位置就有专人送餐比你架啦，十分方便。铁牛招牌牛肉面一人晚餐就选择了招牌牛肉面，佢既份量都颇大碗，第一淡当然就系试汤底啦，呢个汤底好重牛肉味，食得出呢个汤底系花左长时间熬制出黎，虽然浓但唔系味精汤底，食完吾会觉得特别口渴。牛肉方面，又系抵赞，肉质好嫩，应该系采用牛炕楠，切成条状，而且吸晒汤头既精华。面质方面则平平，整体上都好满意，令人回味无穷。小建议系可加点辣度，让整体更惹味。珍珠奶茶台湾饮品代表点少得珍珠奶茶，份量适中，虽然无出面舖头有得拣甜度，但系呢个都合格之上啦，珍珠size刚刚好，奶茶方面系茶香偏重，可以解腻，特别推荐。下次多d人都会尝试盐酥鸡，花枝丸等等小食。