泰寶龍

营业中

休息中

偶然入西贡行吓，老友介绍呢度有泰国野食，就跟佢去试吓。行入去条巷仔，入面都几似泰国街头横巷食店，因为铺仔细细所以坐落有啲逼，坐低求其叫几个常食泰式食品做个比较。叫左串烧、虾酱炒饭、芥兰炒牛肉同泰式蚝仔蛋。4样野只系觉得个炒饭同泰式蚝仔蛋可以。炒饭有别于平时茶餐厅嘅虾酱香味，佢比较惹味咸香，不过饭就偏湿软。而泰式蚝仔蛋鉄板上有特色，甚有蛋香，不过啲蚝生生地同有少少沙，所以我都唔敢品赏太多。串烧只系做返基本品质，估计可能用现成急冻货。至于牛肉炒芥兰啲牛就惨啦，一啲牛味都无，唔知啤水定本身牛肉问题，加返啲底味会好啲。价钱方面，4样嘢加埋三百六，份量就唔系好够。不过望出去成街游客，忽然觉得收游客区价都好合情合理。