鼎尚燒鵝湯館

营业中

休息中

星期日夜晚行完山之后，就顺便上山顶观光，最后拣咗「鼎尚烧鹅汤馆」解决晚餐。咁啱唔使等位可以直入，不过食完后整体感觉有啲失望，味道同价钱唔成正比。呢间餐厅主打烧味同点心，环境系传统简约风格，气氛就普通，坐得有啲迫。可能系为旅客设计，睇落唔算特别出色，但食物选择都算多元化。酱皇烧鹅（下庄）肉质偏肥，油腻感比较重。食落无预期咁香，整体有啲失望。脆皮烧腩仔饭呢个烧腩仔饭有啲惊喜！烧腩仔皮脆肉香，配饭食特别惹味。原本无乜期望，点知反而呢个烧腩仔比烧鹅更满意，值得一试。鲜嫩多汁烧BB鸽烧BB鸽外观系吸引嘅，但实际味道好普通，肉质同调味冇乜特别，算系中规中矩啦，唔会话好难食，但亦唔算惊喜。虾籽烧卖味道上感觉唔太新鲜，缺乏点心应有嘅鲜味。虾籽都唔够香，加上好干身，有啲失望。山竹牛肉山竹牛肉食落亦系一般，牛肉偏硬，冇咩记忆点，食完都唔觉得有印象。叉烧包啲叉烧多咗阵味，唔识形容，不推荐。整体嚟讲呢次体验唔算好满意，点心几款都唔太理想，烧味方面又唔见得特别出色，仲要平均人均百几至二百蚊，真系性价比唔高。喺山顶游客区食饭，本来都预咗会贵啲，但起码质素要达到一定水平。如果真系想食地道美食，就未必会再返嚟呢间。