海安咖啡室 (已結業)

一直对于旧嘅冰室有一个情意结，饮奶茶食西多士亦都成为咗我嘅习惯。海安咖啡，1952年开店直到宜家，已经有60几年历史。 店舖嘅外面仍然系旧貌，入到里面有时光倒流既感觉。由于差唔多收舖，里面嘅人唔多，阿姐一坐埋黎就好亲切问我想食乜嘢，就叫左佢哋嘅招牌「香葱碎牛炒蛋厚多士」加上我最钟意嘅冻奶茶。如果喜欢红豆冰呢度嘅红豆奶茶亦都系招牌。作为地道香港人，呢度嘅食物同饮品毋庸置疑。 厚多士够干身，十分脆口，葱花蛋十分之香口，食完十分满足，现上奶茶，茶浓奶滑坐咗一阵我发现原来好多都系游客，而且好多都系台湾人，我同隔离个台湾女仔倾左一阵计，原来台湾人去旅行好钟意黎香港嘅冰室同食点心。另外一角，刚刚是台湾节目正在取景介绍，可见台湾人都好欣赏港式茶室。中环闹市之中能够保存一间有历史嘅冰室真系好难得，食物夹杂人情味系冰室既可贵。