點點心 (已搬遷) 新店位置

有韓國朋友(OPPA)到訪香港，盡地主之誼帶佢周圍行下，落機第一餐問佢想食咩，佢話想食點心。當堂考起我，因為係夜晚8點幾嘅時間。香港人平時多數都只會係早餐或者午餐去酒樓飲茶食點心，所以呢個時段我真係未試過，唯有上openrice搵下啦。原諒我孤陋寡聞，作為一個香港人，今日先至知道香港都有好多夜晚營業嘅點心店。我同OPPA兩個人，等位大約15mins﹐都算快。入坐後發現…幾乎9成都係遊客。以下係我同埋OPPA對點心嘅評價：蟹子燒賣皇 - 用豬肉跟蝦做的「餃子」，是傳統點心，外國人必定會點。賽螃蟹翡翠菜餃 - 清清地，但都好食。懷舊棉花雞 - 雞肉好大件，魚雞吸晒d雞汁，好味，但都好油。金沙肥豬仔❨流沙包❩ - 呢個係主打食物。流沙唔夠杰，隻豬個樣普普通通。黑椒金錢肚 - OPPA說呢個汁嘅味道好特別，未試過，不過點心較為油。燒汁釀茄子 - 茄子上面嘅蝦膠幾好食，不過茄子較為油。OPPA話好食，但因為多油，所以飲咗4-5杯茶。我覺得一般啦，我都飲咗3-4杯茶。