旺記冰室 (鴻輝大廈B座)

营业中

休息中

今日返工放lunch，心血来潮想食滑蛋叉烧饭，谂起之前食过湾仔𠮶间旺记真心唔错，同一款滑蛋叉烧饭，重蛋味（标榜用日本蛋)，叉烧又足料，当日配热奶茶，留下一个深刻嘅印象。虽然𠮶时要同啲OL争排队，返工时间食$50-60一碟饭唔算特别抵，但胜在轮候时间唔太长，上碟时间又快，湾仔区嚟讲性价比真系唔错！几年之后有旺角分店，今次系我第一次去，感觉好似专做游客生意，价钱同湾仔一样，但饭上面嘅蛋已经冇以前咁厚实同有蛋香味，叉烧又冇咁足料，叫咗杯热柠茶，不过不失。见到隔篱枱内地游客嗌咗蕃茄午餐肉牛肉通粉、滑蛋叉烧双拼虾饭，但就食净晒啲午餐肉，唔使嗌都知应该唔太好食。不过值得一赞嘅系，侍应个个普通话都唔错，服务态度还好，餐厅环境干净企理，冷气足够，星期六午饭时间唔洗排队，食完饭坐咗阵冇即刻赶我走👍🏻临走前喺门口遇到有内地客要张10人枱，职员都马上安排俾佢。今次食完其实有啲失望，因同区仲有好多茶餐厅选择，例如光荣冰室(滑蛋叉烧饭- $48)、苏杭冰室等等，感觉其他CP值更高，食得呢间嘅建议去返湾仔。