文記車仔麵 (福榮街)

营业中

休息中

今日上网见到韩国著名YouTuber都嚟香港食嘅车仔面店，梗系要专登去深水埗试一试啦！本身6:00去到好惊要排队，但系同一条街其实文记车仔面都有几间分店，有一间分店大约一半客满左右，店员就即刻招呼入内坐低。面店环境比想像中好，全自助QR code点餐，点餐嘅时候直接可以用唔同嘅方法俾钱，相当方便。我就点咗一个两𩠌车仔面，辣嘅玻璃鱿鱼相当爽脆，另外不得不试嘅酸斋亦都索晒啲汤汁，个汤底我就点咗瑞士汁辣嘅豉油汤底，汤底唔会太咸微甜。加埋自家制嘅辣菜铺，味道真系唔错。另外一碗面就点咗腩汁小辣，亦都嗌咗唔同嘅𩠌尝试，瑞士汁鸡翼大只入味，自家制水饺都系十分大粒饱满，加上卤大肠亦都份量彼得相当多，招牌猪手亦都系好入味。整体嚟讲，身边食嘅多数都系游客，但系味道亦都系唔错，价钱亦都合理，本地人如果系唔使排队嘅时候都可以一试。