影片
更多
2013-06-11
333 浏览
一行四人坐车入到嚟，风景真系无得顶，红树林配白鹭，海天一色，好似唔系香港嘅地方，当然风景优美，都要医肚，沿途每隔一段路都有啲士多，不过大多只有公仔面啲小食，我哋想揾地方食饭，选择真的不多，门口阿姐殷勤拉客，最后拣咗呢度！地方似露天茶座，亦可坐室内，我哋坐室内对住大电视圆枱，电视墙上贴满明星相！同明星合影嘅应该系老板娘！除咗明星相，室内可以话无装修，随便放啲枱櫈就做生意！叫几个小菜分享： 正宗古法盐焗鸡（半只）（$78）：鸡不肥，亦不算大只，但有鸡味，够味但不会过咸！点沙姜酱几好食！ 驰名牛筋腩（$70）：好多牛筋，牛腩比较碎，牛筋烟韧，炆得入味，香料味好浓，但好咸，唔送白饭都食唔到！所以最后食唔晒！ 秘制猪扒（$30）：两块切碎上，唔嚡，腌得入味，煎得香口，好味！ 灼生菜：配豉油，新鲜爽脆，好味（如果连灼菜都失手，都唔使做生意！ ） 自制香滑豆腐花（$10）：好失望 ，本来想叫大菜榚，因为无，所以叫豆腐花，只有冻无热，豆花未落黄糖之前我食一口，无味，无甜味，更甚系无豆味，只系一团好涷嘅物体，落黄糖后，亦只系得黄糖味！可能我哋揸车嚟！唔够辛苦！我见有人行完山或踩完单车再坐低
一行四人坐车入到嚟，风景真系无得顶，红树林配白鹭，海天一色，好似唔系香港嘅地方，当然风景优美，都要医肚，沿途每隔一段路都有啲士多，不过大多只有公仔面啲小食，我哋想揾地方食饭，选择真的不多，门口阿姐殷勤拉客，最后拣咗呢度！地方似露天茶座，亦可坐室内，我哋坐室内对住大电视圆枱，电视墙上贴满明星相！同明星合影嘅应该系老板娘！除咗明星相，室内可以话无装修，随便放啲枱櫈就做生意！
叫几个小菜分享：
正宗古法盐焗鸡（半只）（$78）：鸡不肥，亦不算大只，但有鸡味，够味但不会过咸！点沙姜酱几好食！
驰名牛筋腩（$70）：好多牛筋，牛腩比较碎，牛筋烟韧，炆得入味，香料味好浓，但好咸，唔送白饭都食唔到！所以最后食唔晒！
秘制猪扒（$30）：两块切碎上，唔嚡，腌得入味，煎得香口，好味！
灼生菜：配豉油，新鲜爽脆，好味（如果连灼菜都失手，都唔使做生意！ ）
自制香滑豆腐花（$10）：好失望 ，本来想叫大菜榚，因为无，所以叫豆腐花，只有冻无热，豆花未落黄糖之前我食一口，无味，无甜味，更甚系无豆味，只系一团好涷嘅物体，落黄糖后，亦只系得黄糖味！可能我哋揸车嚟！唔够辛苦！我见有人行完山或踩完单车再坐低食，可能会好味得多
另外三个朋友叫白饭（$5）我叫浄汤河（$13），点知汤汤来到，我食一啖已知不妥，已经变咗 我同阿姐讲，佢即刻收番，有讲唔好意思，比我换，我稳阵都系叫番白饭！白饭配牛腩盐焗鸡比较夹！不过白饭微黄，亦不够松软，正常！
地方一般，胜在可以泊车，食饱坐多一阵都无赶客（都唔爆场），可以享受多一阵悠闲嘅风景！
张贴
