影片
更多
2019-04-09
1706 浏览
星期日Honey要返工，执完屋无所事事又想去吓兜风，但又唔想自己一个人，于是就打比朋友约埋一齐去游吓车河，但斋游又好似闷咗D，于是就同朋友提意去食埋个下午茶，谂下谂下好似好耐冇去过荣昌茶座，又可以游车河，又可以食到下午茶之余又睇到部车，简直系出奇蛋！先去土瓜湾接朋友A，再去红磡接埋朋友B，加加埋埋都用咗成45分钟时间先入到去粉岭。幸运之神经常眷顾我，去到刚刚有位泊车之余行到去茶座刚刚又有客人走，又可以即刻有位坐！三个福禄寿一齐喺度研究紧个餐牌，朋友A问我食咩好，我就介绍咗煎鸡尾包俾佢；朋友B问我菠萝油好定煎菠萝包好，我就话菠萝油出边通街都可以食得到，咁佢就叫咗煎菠萝包啦。而我就点左个白汁碎蛋牛角包，另外在点左一份薯条同埋一份鸡翼，几样嘢食大家一齐捞乱食...应该系开心share至真！嘢食好快就到，先来咗个煎鸡尾包，好老实讲，只叉一督落去就已经觉得失望，想当年黎食嘅时候佢哋会将个包煎到个面好脆，但今次后食，唔知系咪食客太多而要赶起货比人，个感觉只系压扁咗嘅鸡尾包，如果系咁，我喺屋企楼下个面包舖用$20可以买五个返黎压扁佢。菠萝包如是...好彩我叫白汁碎蛋牛角包无伏，牛角包好松软，我地三人
先去土瓜湾接朋友A，再去红磡接埋朋友B，加加埋埋都用咗成45分钟时间先入到去粉岭。
幸运之神经常眷顾我，去到刚刚有位泊车之余行到去茶座刚刚又有客人走，又可以即刻有位坐！
三个福禄寿一齐喺度研究紧个餐牌，朋友A问我食咩好，我就介绍咗煎鸡尾包俾佢；朋友B问我菠萝油好定煎菠萝包好，我就话菠萝油出边通街都可以食得到，咁佢就叫咗煎菠萝包啦。
而我就点左个白汁碎蛋牛角包，另外在点左一份薯条同埋一份鸡翼，几样嘢食大家一齐捞乱食...应该系开心share至真！
嘢食好快就到，先来咗个煎鸡尾包，好老实讲，只叉一督落去就已经觉得失望，想当年黎食嘅时候佢哋会将个包煎到个面好脆，但今次后食，唔知系咪食客太多而要赶起货比人，个感觉只系压扁咗嘅鸡尾包，如果系咁，我喺屋企楼下个面包舖用$20可以买五个返黎压扁佢。
菠萝包如是...
好彩我叫白汁碎蛋牛角包无伏，牛角包好松软，我地三人一至都认同最好味系白汁碎蛋牛角包。
薯条都好味（其实只要唔系金拱门嘅薯条都好好味）
另外仲有豉油鸡翼，鸡翼好滑但系个味道就唔够入味，只系得外表有味。
差啲唔记得咗讲埋嘢饮，我叫咗杯雪糕红豆冰，都未到就拣咗朱古力，朱古力雪糕入边加埋杏仁都几好味，另外红豆都算大粒有咬口，又唔会太过甜，几好。
今餐下午茶都不过不失啦，有好有唔好。
张贴
