M3 Italian (已結業)

有车后的第一个周未终于可以揸车试下去一d平时去唔到既地方，揾到沙田围入面呢间意大利餐厅，装修都好新净，用上红白格仔台布另有一番风味。每枱都有附送餐包，蘸上橄榄油和黑醋绝对系指定动作芝士青口,青口都几大只，肉质新鲜肥美，搭上芝士汁味道够晒香，味道浓郁仲有淡淡忌廉味。海鲜Pizza手工即制Pizza，店员诚意推介新出的海鲜Pizza，脆口之余每块都有足够既涵料，有大虾同墨鱼，配上香草酱汁，有一种好清新既既感觉系口腔盘旋，唔会同出面d Pizza食一块就已经食滞。 海鲜意大利饭价钱很化算而且配料十足，有青口，大虾，带子等多种海鲜，味道有d似葡汁鸡皇既感觉，浓稠程度刚刚好，米饭软中带硬，突显意大利饭的精髓。西班牙乳猪外皮香脆可口，而肉质嫩滑，仲保留住肉汁，另外配上薯蓉同酸菜丝，可以减轻油腻感，但绝对令你想不停摆入口，非常美味。原来唔系市区都可以有一间有质素嘅餐厅，而且价钱又合理，期待下次再黎食过。