滿記甜品 (已搬遷) 新店位置

同朋友游车河入咗西贡， 又到食糖水时间， 糖水嚟讲呢近近地就去咗满记（因为对面有位泊车）。 望一望餐牌， 有好多选择嘅， 但近排对椰汁紫米露上咗瘾，又有我钟意食芋圆， 就决定要呢个再加多一球云呢拿雪糕。等左唔使30秒就送上枱，够雪糕就有少少细， 椰汁紫米露嘅椰汁都好香， 紫米就唔够多，芋圆非常之有咬口， 好食。 朋友就叫咗杨枝甘露凉粉，佢话味道普通㖞！埋单92蚊， 个人来讲呢就觉得有少少贵。用呢个价钱，其实有好多好高质素嘅糖水可以选择。