牛之鍋

营业中

休息中

以前成日帮衬，因为易有位，同埋觉得好味+抵食，差唔多每星期都嚟1-2次；但系后期野食叫乜冇乜，一系等劲耐，连隔离枱都比我哋等得耐，都冇乜吸引力再去帮衬。事隔大半年，前1-2日再去帮衬，野食出餐时间算正常返，不过炸物同寿司耐少少，但系都唔似之前咁叫乜冇乜，出野食算系正常返。不过，今次令人失望嘅系，用餐时间2个钟。我哋入坐时间19:44，到食咗1个钟零15分钟，话帮我哋收钱，讲到明21:24截单同21:44就要还枱，咁谂住唔阻住个职员就照比钱先，点知比完钱，坐坐下食食下，我地仲有45分钟，21:15都未到，冇啦啦有个职员嚟问都唔问，直接收走哂我地d餐具/碟/煲，我忍唔住问：乜我地截单时间唔系21:24咩，个职员扮傻喺度继续执，然后两个煲仔执到一半，插哂筷子，个职员就自己弹开左，转头又返返嚟拎走返。大佬呀，我食紧甜品啫，就冇啦啦抢走左我d餐具同个煲，我支茶未饮哂都攞走埋我嘅!? 发生咩事？真系好扫兴，谂住冇帮衬咁耐，牛之锅改善咗好多，点知一次比一次更失望，今次系玩未食够2个钟就赶人走。另外，个场坐唔爆，但系要迫埋同人搭枱，方便佢哋清洁，方便佢哋收工，真系做得好明显，所以都系如果再嚟要三思喇。