The Stadium (已結業)

同朋友行开铜锣湾，谂住揾个好d嘅地方食晏，佢话有个地方食过唔错可以去试下，就跟左佢去。我地去左轩尼诗大厦二楼嘅The Stadium,咁啱过左繁忙时间，可以坐window seat。坐低我地点咗两个lunch set,烤肉眼扒同香草烤鲷鱼，lunch set跟埋汤或沙律,食住等，好快主菜就到咗。烤肉眼扒，配埋薯角同沙律，入口外层烤香嘅肉味，跟住就系牛肉嘅鲜味，肉质有口感但唔韧，简单嘅菜式更显功夫，唔错！香草烤鲷鱼，同样配上沙律菜，烤过嘅鲷鱼好香口，鱼肉新鲜有口感同嫩滑。两款午餐嘅质素都好好，比较起价钱绝对系抵食，下次可以再黎过！