影片
更多
2023-02-22
628 浏览
以前系西营盘返工，间唔中会经过哩个铺位，不过等唔切佢开张，就转咗工啰。今日再返到嚟西营盘，第一个目标当然系去食世一芝士蛋糕。相信有睇前几个post都知道，我失败咗🤦🏻♀️虽然同世一芝士蛋糕无缘🥲🥲，但系早餐始终系要食嘅😆附近有好多新开嘅餐厅都未试过，仲有好多地方拣，今日先试吓哩间北欧风嘅咖啡店。Fika All Day ($128)职员推荐哩个早餐，早餐已经包括咗餐厅大部份嘅食物，亦系最热门嘅食物。有烟三文鱼、蛋沙律、肉丸、薯蓉、沙律菜、朱古力扭扭酥同果酱。但系当日扭扭酥已经卖哂，所以转咗Pain au chocolat。味道中规中矩吧，落单时冇睇清楚，以为系scrambled eggs，嚟到先知系蛋沙律🙈🙈而且份量比想像中细，但值得一赞嘅系，个Pain au chocolat真系几好食。Mocha ($45)所有咖啡都会配一片姜味许愿曲奇🍪食之前先许愿，然后用食指系中间督一下，如果曲奇分开成3片，你嘅愿望就会成真😌如果系2 或者 4片 就食咗佢🤣咖啡够香，唔会太酸，都唔会太甜。比较几间喺第一街嘅咖啡店，哩间系最出色。顺带一提，姜味许愿曲奇可以买返屋企架👍🏻总结，食物嘅味道系正常水平，
今日再返到嚟西营盘，第一个目标当然系去食世一芝士蛋糕。
相信有睇前几个post都知道，我失败咗🤦🏻♀️
虽然同世一芝士蛋糕无缘🥲🥲，但系早餐始终系要食嘅😆
附近有好多新开嘅餐厅都未试过，仲有好多地方拣，今日先试吓哩间北欧风嘅咖啡店。
Fika All Day ($128)
职员推荐哩个早餐，早餐已经包括咗餐厅大部份嘅食物，亦系最热门嘅食物。
有烟三文鱼、蛋沙律、肉丸、薯蓉、沙律菜、朱古力扭扭酥同果酱。
但系当日扭扭酥已经卖哂，所以转咗Pain au chocolat。
味道中规中矩吧，落单时冇睇清楚，以为系scrambled eggs，嚟到先知系蛋沙律🙈🙈
而且份量比想像中细，但值得一赞嘅系，个Pain au chocolat真系几好食。
Mocha ($45)
所有咖啡都会配一片姜味许愿曲奇🍪
食之前先许愿，然后用食指系中间督一下，如果曲奇分开成3片，你嘅愿望就会成真😌
如果系2 或者 4片 就食咗佢🤣
咖啡够香，唔会太酸，都唔会太甜。
比较几间喺第一街嘅咖啡店，哩间系最出色。
顺带一提，姜味许愿曲奇可以买返屋企架👍🏻
总结，食物嘅味道系正常水平，但等食物实在等得太耐😵
餐厅入面人流唔多，但系都要等半个钟😮💨
其实份早餐要煮嘅食物唔多，咖啡要逐杯冲，我都明白真系要啲时间。但系职员要落单、收钱、冲咖啡同执枱，真系太忙啦😵
餐厅属半自助形式，落单之后，自己拣位，等叫号码拎食物。 餐厅里面有唔同嘅杂音，加上半开放式设计，外面人多车多，号码其实都听得唔系好清楚。
如果想问下份食物系唔系自己嘅都有难度😰
职员好专心准备紧食物同冲紧咖啡，又唔好意思打断佢哋。
大家叫嘅食物差唔多，作为客人都惊拎错人哋𠮶份。见到另一位客人想拎多一份餐具，同样唔知点算好⋯⋯
希望餐厅喺哩方面将来可以改善。
唔知道系咪weekend嘅关系，所以冇set。一份早餐再一杯咖啡差唔多成$180，而且份量有啲细， 略嫌贵咗啲。
张贴
