船皇 (大埔超級城) (已結業)

之前食过铜锣湾同尖沙咀既船皇，今日机缘巧合嚟到大埔，顺便去埋船皇系大埔超级城既第三间分店！大埔分店比铜锣湾同尖沙咀大得多，而且更阔落。另外门口摆放左一架泰国传统交通工具嘟嘟车🛺，绝对系餐厅既打卡位。运作形式亦有所不同，客人先下单付钱，然后等号码才出去拿食物。- 船皇汤面每次都系选择蛋面，今次都唔例外，口感似碱水面，但容易咀嚼。我仲加$1 转左和牛。和牛几较稔，肉味香浓。另外仲有大量材料包括鸡翼、牛丸、猪皮、猪肉。- 泰式炒金边粉金边粉系大埔限定，所以非叫不可。金边粉烟烟韧韧，唔系太湿濶，甜酸程度啱啱好，不过略嫌唔够获气。- 串烧派对沙嗲鸡肉叫左三串，沙嗲汁偏甜。鱿鱼须相当大只，串烧牛舌非常厚肉，猪颈肉烧得好香口，而且爽口弹牙。- 泰式奶茶泰式奶茶系每次必点饮品，口感滑溜，越甜越喜爱😍- 冻柠檬茶茶底有余韵，而且唔太甜，啱晒我女朋友。总结：终于过三关去齐晒船皇三间分店，船皇汤面仍然系必叫食物，串烧不过不失。