渝味曉宇重慶老火鍋 (渣甸中心) (已結業)

系香港食麻辣火锅其实选择唔算太多，我就钟意食呢间餐厅啦。分店又多，市区一定会有嘅。最重要系，质素保持得唔错，价钱都合理！午市去食嘅话，汤底系免费架，就可以嗌多个𩠌啦，即刻抵食左！我同朋友就嗌左一个二人餐，入面都有超级多嘅配料。我哋仲另外叫咗好多其他配料，其中都几个好出色架！麻辣牛肉同嫩牛肉唔同，牛肉面会满布香料同辣椒，即使煮完之后都唔会话无晒。食落口有阵孜然味，好似食串烧咁。冻豆腐呢个真系打边炉必嗌嘅，索晒汤底嘅精华，真系好正。燕饺细细粒，好得意，份量仲要几多添。耗儿鱼呢个系重庆个边嘅特产，鱼肉结实，完全唔会散，真系好好味。