牛角次男坊 (荃灣廣場)

营业中

休息中

知道牛角开左烧肉丼，即刻走去试！之前曾经喺日本食过类似，即烧牛肉配上酱汁同日本米，令我十分期待今次到访。店面都算大，采取先点餐后入座的安排。点了次男坊丼配次男坊烧肉汁。上菜前，先送上味噌汤，再送上主菜。次男坊丼上菜时用胶盖盖上，微热，见到有蒸气。 打开后，卖相几吸引，可以见到肉量颇多，份量都足够。可惜嘅系唔记得走葱先试烧肉，肉明显唔系即烧，有点涷，可见只有饭系微热。以肉质来说，偏干身，唔系juicy，不过肉味尚算可以。次男坊烧肉汁，唔算好多，真系微辣，佢嘅辣，属后上，要落左喉咙先感受到佢嘅辣。整体来说，还算合格。都系𠮶句:无期待，无失望。