影片
更多
2011-05-06
329 浏览
成日都听倒屋企人话去太平馆食瑞士鸡翼做下午茶，重要因为食物质素唔同，要拣去九龙间分店添。今次咁啱阿爸阿妈出左街，屋企剩低我自己一个，班姨妈就叫我一齐出去试下铜锣湾间太平馆，顺便评一评。哗，真系估唔倒一间咁＂古老＂既餐厅门口都会排哂长龙，Ｄ人重要年纪不一，心谂一定好正啦。原来餐厅入面冇乜位比人坐喺到等，所以我地就留返姨丈一个喺入面等叫名。好彩街头街尾有小贩摆档，时间先过得容易Ｄ，因为结果都要等成50分钟先有位。入到餐厅第一个感觉系好怀旧，装修应该系三四十年代𠮶款，好有＂上海滩＂feel。港式西餐厅都算系西餐厅既，所以太平馆用暗淡既光线都讲得通，不过室内实在太逼太嘈吵，用＂有情调＂黎形容就好似唔系好合理啦。右手边全部系卡位，左手边就系密麻麻既散枱。我地六个人就当然冇卡位坐啦；佢Ｄ散枱又唔大，位又唔多，真系好逼挟，坐得都几唔舒服；女士们重要全程揽住自己Ｄ手袋，食得好辛苦。一坐低就留意倒餐纸上太平馆个Logo，差Ｄ重以为自己攰得滞眼花；真系唔用下脑都睇唔出中间有个＂T＂字。餐厅内既伙计们唔系叔叔就系伯伯，虽然未至于话态度恶劣，不过可能太忙，而且系赛马日，所以佢地个样都＂好不在乎＂同＂完全唔休做
哗，真系估唔倒一间咁＂古老＂既餐厅门口都会排哂长龙，Ｄ人重要年纪不一，心谂一定好正啦。原来餐厅入面冇乜位比人坐喺到等，所以我地就留返姨丈一个喺入面等叫名。好彩街头街尾有小贩摆档，时间先过得容易Ｄ，因为结果都要等成50分钟先有位。
入到餐厅第一个感觉系好怀旧，装修应该系三四十年代𠮶款，好有＂上海滩＂feel。港式西餐厅都算系西餐厅既，所以太平馆用暗淡既光线都讲得通，不过室内实在太逼太嘈吵，用＂有情调＂黎形容就好似唔系好合理啦。右手边全部系卡位，左手边就系密麻麻既散枱。我地六个人就当然冇卡位坐啦；佢Ｄ散枱又唔大，位又唔多，真系好逼挟，坐得都几唔舒服；女士们重要全程揽住自己Ｄ手袋，食得好辛苦。
一坐低就留意倒餐纸上太平馆个Logo，差Ｄ重以为自己攰得滞眼花；真系唔用下脑都睇唔出中间有个＂T＂字。
餐厅内既伙计们唔系叔叔就系伯伯，虽然未至于话态度恶劣，不过可能太忙，而且系赛马日，所以佢地个样都＂好不在乎＂同＂完全唔休做＂咁。面冇笑容，放低餐具比客人自己分，落完单，摆低𩠌菜就走人；比起上黎，茶餐厅Ｄ哥哥仔友善得多，真系好奇怪佢地点可以收咁贵。餐包：等位等得太耐，所以第一样入口既通常都特别正，可以称得上系成餐饭最精彩既一味。𩠌都未叫已经有得食，送到埋黎重热辣辣，认真暖胃。个包软腍腍，够松化，唔洗用牛油都够哂甜，冇得弹！
瑞汁牛河：$78，真系贵，酒店都好似差唔多？真系唔知瑞汁咁贵bor！净睇卖相都知河粉偏油，而且河粉同牛肉既比例唔系好啱，唔够牛肉；依味好似唔系好夹超甜既瑞汁，只可以话勉强过得去。
咸牛利：$93；又涷又咸又干又厚又硬，失败得很！真系唔明点可以叫做招牌菜。
瑞士鸽珍肝：$72；姨妈姨丈极力推荐，话好食过瑞士鸡翼。果然冇介绍错，好啱内脏fans既XO仔：鸽珍肝完全唔粉，爽口得黎好嫩；好够汁，所以唔会干；大家一定要试。
砵酒会牛尾：$104；牛尾太肥，个汁太咸太味精，而且食落桨住个口，连太平馆fans既大姨妈都话系全晚做得最差𠮶味，非常失望。
烧鸽 x 2：$204；唔可以话系我食过最好既烧鸽，不过都可以列入头几名。虽然唔系ＢＢ鸽，不过肉质都好嫩，又够肉汁，同个瑞汁味道都好夹，所以都值得推介。
梳乎厘：$98；大部份系空气都收咁贵，好似唔系好值。不过真系够哂巨型，我地六个人分黎做甜品刚刚好。佢系唔连汁既，味道亦较淡，一般过一般，不吃也吧！
小肥要食到饮可乐，代表味精极浓；食成百几蚊一个人都唔系好饱证明贵夹唔饱；终结系唔值得要排成个钟去食啰。
张贴
