影片
更多
2011-10-14
50 浏览
由于香港正吹紧拉面风，为左要够潮，小弟就择日黎全城热爆o既一风堂试食，睇下佢系咪真系咁坚！讲真，成日听倒亲友们不断推介，又睇过咁多周刊报章正面o既报导，以及openrice上连续三个月o既好评，自己真系好期待，唯一系惊唔知要排几耐队架姐。记得𠮶日系九月最后一个星期三，见横掂约左人喺尖沙咀度听歌，一收工就call表妹一齐过海，向一风堂进发，希望衬D人未放工，唔洗排太耐。我地真系好彩，门口条队唔系好长，八分钟内入座，而且重有卡位坐，阔落舒适。店内其他装修顺眼简洁，左手边幅墙挂满碗，衬托主题得黎好有特色。全场所用o既颜色以红白黑为主，非常爱国；主色咁啱同餐牌上拉面款式数目一样wor，都系三个，唔知系咪钟意「三三不尽」个意头呢？！拉面屋右手边系冇人坐o既吧枱配高櫈，表妹话系比人客一边饮野一边等位，冇得食面o既。不过佢都觉得有少少奇怪，皆因佢乡下纽约𠮶间一风堂好热闹，连Ｄ吧位都好爆，绝对唔会吉到比大家一个咁浪费地方o既感觉。纯粹个人愚见，其实既然吧枱冇人坐，不如做埋生意比客人食面；又或者喺酒牌上花Ｄ心思，希望客人可以尽情享受一下happy hour啦？！另外，对小肥黎讲，其他非卡位o既枱櫈睇落比
记得𠮶日系九月最后一个星期三，见横掂约左人喺尖沙咀度听歌，一收工就call表妹一齐过海，向一风堂进发，希望衬D人未放工，唔洗排太耐。我地真系好彩，门口条队唔系好长，八分钟内入座，而且重有卡位坐，阔落舒适。
店内其他装修顺眼简洁，左手边幅墙挂满碗，衬托主题得黎好有特色。全场所用o既颜色以红白黑为主，非常爱国；主色咁啱同餐牌上拉面款式数目一样wor，都系三个，唔知系咪钟意「三三不尽」个意头呢？！拉面屋右手边系冇人坐o既吧枱配高櫈，表妹话系比人客一边饮野一边等位，冇得食面o既。不过佢都觉得有少少奇怪，皆因佢乡下纽约𠮶间一风堂好热闹，连Ｄ吧位都好爆，绝对唔会吉到比大家一个咁浪费地方o既感觉。纯粹个人愚见，其实既然吧枱冇人坐，不如做埋生意比客人食面；又或者喺酒牌上花Ｄ心思，希望客人可以尽情享受一下happy hour啦？！另外，对小肥黎讲，其他非卡位o既枱櫈睇落比较细同窄，身材高大少少应该坐得几辛苦。最大o既问题呢，系全场冷气唔多够，ＸＯ未开始食野都已经大汗叠细汗！当晚除左埋位同传菜时可以见到服务生之外，真系好难揾倒个哥仔落单或加野食。到有人黎o既时候，佢地态度虽则并非恶劣，但颇为被动，欠缺热诚，似乎服务有待改善。
埋位饮左淡水，觉得有阵怪味，所以就叫左壶Sake黎饮，点知...
久保田 千寿（$96/ 300ml）：第一，酒唔够涷！第二，味道淡到好似沟左水咁，真系同水𠮶阵怪味好相似！第三，其实佢斟左Ｄ乜野酒大家都唔知，因为由头到尾都冇比过个樽我地睇架！惟有阿Q地安慰自己$96唔应该要求咁高啦。
黎到拉面专门店当然要一人叫返碗拉面黎食啦。
白丸元味拉面（$68）：唔系好食得辣o既ＸＯ叫左碗猪骨汤底拉面，所以少不免会同中环拉面店「豚王」作比较。猪骨汤底份量可以多返少少，味道只可以话系正常，因为佢欠缺「豚王」𠮶种浓郁震撼感，可以话稍欠火候。叉烧片虽然够薄，但肉质编嚡，食起上黎干得有少少硬，唔够「豚王」腍滑。拉面落单时要求硬身Ｄ，做得好合格。
表妹就叫左碗一风堂辣肉味噌拉面 + 蛋（$78 + $10），评价为" ok，唔错"。
最近胃口大左o既ＸＯ一碗面又点会够饱呢，所以就叫多碟炸鸡黎食。
一风堂风神雷神脆炸鸡（$38）：一客两件，不过每件都太大旧，所以口细会食得好辛苦，要慢慢咬。个皮系沟左cornflakes黎做，虽然炸得够脆，不过就太厚太硬。鸡肉唔干，只系冇乜味道，伴碟o既甜汁份量更少得可怜。
总括黎讲，我唔会返转头o既原因好简单，食物质素一般，唔值咁贵，服务欠佳，更不值得浪费时间排队入座。
张贴
