犇道 (已搬遷) 新店位置

「犇」原来系读奔，入到舖头望下就知🤣先要讲呢个慢烧极上牛排丼，主角慢烧牛排真系水准之上，肉质细嫩微暖，果然系带点粉红色既肉最好味，而且唔靱有弹性，又有牛味，加埋啲牛排汁，正呀！个饭都有味素，仲有温泉蛋可以捞饭，一啲都唔干，好有饱足感🥰呢个火山牛丼都好受欢迎，见到其他人都有叫呢个，卖相吸引，所以我地都叫左个🤣 呢个牛肉系薄切一片片既，无牛排肉的咬口，不过系唔同食法，相比之下更能融合酱汁，完全被酱汁覆盖的牛肉加上小小蟹籽，十分鲜甜多汁，又系另一番风味。