梅光軒 (登龍街) (已結業)

呢排不知不觉重咗几磅，本来谂住午餐食少d，简单d就去食碗拉面，去登龙街揾到梅光轩。睇下餐牌，原来加少少有个拉面套餐，抵好多，想减磅唯有做多d运动。套餐叫咗味噌海鲜拉面，拉面最重要系汤底，好似话佢哋汤头由北海道本店运到香港，一试味道果然有保证。我一向都唔好拉面块叉烧，不过佢哋整得都好食。当然其他材料，元贝，蟹柳，糖心蛋等等，更合我口味。加少少钱有三件炸鸡，原本份量都唔细，真系三件鸡，唔系鸡粒，啱啱炸起，外脆内有大量肉汁，邪恶非常，但又真系好食。更过份又加少少钱，有枝啤酒，你话呢餐过唔过份！