川味美食

营业中

休息中

深水埗出名多野食，成条街都系餐厅，点都会揾到自己钟意嘅。夏天热辣辣，食野都冇乜胃口，想食下啲辣野开下胃口，见到餐厅名叫川味，就知道一定系辣野，所以谂都冇谂就入左去。见到餐牌，嗯。系普通米线铺嘅餐牌，唔特别，系多左个红薯幼粉拣。咁为左试下新野，就毫无悬念咁拣左酸辣幼薯粉，配菜拣左腩肉。酸辣炸酱红薯幼粉(中辣)+腩肉幼薯粉唔同普通嘅薯粉，佢嘅面系有啲螺丝嘅形状，但系呢个特色系完全冇加分。而且因为佢较幼身嘅关系，冇左薯粉独有嘅咬感，有种得不偿失嘅感觉。腩肉份量多，但偏鞋。最后，一定系提嘅系佢嘅汤底，可以话系我最近食过最差嘅汤底，虽然叫酸辣，但酸味极淡，辣味系辣油味。整体黎讲，虽然唔算好难食，但实在有太多更好嘅选择，唔会再食。