美心皇宮 (屯門大會堂)

营业中

休息中

唔知系疫情下少咗饮茶，定系佢不嬲都系咁，有推车点心，不过我都系点优惠孖宝最实际。一饭一点心5x蚊起，都够饱，至于抵唔抵食就见仁见智。凤爪排骨饭：凡系蒸饭，个底都必定会有层油，因为腌肉加油系中式做法，呢个当然唔例外，所以我食蒸饭从来都唔会搅松个底d饭嚟食，不过比稻香嘅蒸饭好好多，层油半厘米左右，都唔会太嘥。鱼仔猪肉蒸饭：鱼仔香，不过d肉片食落似猪颈肉，但应该系猪扒切片？食唔出系咩部位，不过油腻感少过排骨饭。柚皮凤爪：柚皮有3件，微苦，有d干水，可能浸透得唔够。鸡脚同出面茶楼食嘅差唔多。锦卤云吞：呢个真系好耐冇食，虽然炸得够脆，但仲好多油系云吞上面，过吓口瘾算。