喜茶 (已結業)

衬住优惠过咗，急急脚去试下香港嘅喜茶有咩唔同，排咗半个钟就俾到钱等攞野饮野食啦😗～店员预计廿分钟攞到鸡蛋仔，三十分钟攞到野饮，实际都差唔多，唔差个五分钟十分钟啦。🍇多肉葡萄【当季限定】(绿妍)(少糖) $45多肉葡萄本身都有芝士嘅，芝士同大陆饮嘅冇咩分别，甜甜地咁。不过杯野饮都有少少令人失望，虽然成杯有好多果肉，基本上啖啖都有，茶同提子汁都mix得几好，但系d果肉系酸嘅。平时饮液体同芝士嘅mixture会觉得好好味好幸福，但系今次果肉嘅酸味几抢芝士嘅风头。我唔expect提子系会咁酸。芝芝芒芒(少糖) $45有好多芒果肉，饮得出系用芒果汁黎整，芒果肉、芒果汁同茶混合都几好几match，味道好真，唔会觉得落咗好多糖浆。因为叫咗少糖，唔会太甜，岩岩好。不过芝士同液体唔太捞得埋，唯有分开饮。冰火鸡蛋仔 $32就系将普通嘅鸡蛋仔卷起中间放港式奶茶雪糕(单买：$19)。鸡蛋仔系普通到不能再普通，甚至可以话整得唔太好食，有d部分系脆嘅，但系又唔系外脆内软，裹面基本好满又紥实，似waffle多过似鸡蛋仔。奶茶雪糕嘅第一啖味道唔浓，再食就明显食到茶同奶味，不过两个味系分开嘅，茶味唔似港式奶茶用嘅茶，雪