嘗樂 (灣仔道)

营业中

休息中

湾仔闹市又有新食肆登场 ，今次新开o既「尝乐」应该系由隔离条太和街搬过黎。小肥朝早返工行过见到，接过宣传餐单，翌日午餐迅即购买外卖返公司试 。电话落单后，大约八分钟就行到新店门口，收银哥哥收紧钱o既时候，姐姐仔已准备好食物，并连声道谢光顾，有礼又有效率 。XO仔叫咗客一号常餐「沙爹牛肉仿鲍片一丁面」，外卖与堂食都系$42，包咗公仔面一碗、牛油厚多一块、火腿奄列、及热咖啡或热奶茶一杯。热咖啡味道算唔错，牛油厚多则松软香甜 。火腿奄列就偏干。主角沙爹牛肉仿鲍片一丁面除咗个公仔面正常啲之外，个汤底可以话系超咸，入面o既牛肉又偏嚡，鲍片更加系过韧，唔系咁啱个人口味啰 ！