龍袍

营业中

休息中

朋友介绍话几好味，于是预早一个月前系Open Rice订枱食团年饭，结果系年三十晚前6日收到餐厅来电，态度十分之差，电话内容大致「大时大节，我哋点会接受Open Rice网上预订啊小姐，总之而家就冇枱俾你㗎喇，我哋啲枱不知几紧张」。当时真系乱晒阵脚，临时临急我都唔知去边度揾餐厅。个职员不断尝试收线，又话写字楼搞错咗，唔关佢事。我强烈要求写字楼覆返电话俾我，好彩佢哋第二日真系有人覆我，态度仲好咗好多，话已经谂咗办法，安排到张枱俾我，不过我要入钱留枱，咁我都明白，即刻入咗钱俾佢哋。食物质素几好，地方都舒适，但出现漏单情况，追咗4次先至有得食，不过大时大节，都明白嘅，可以接受。