影片
更多
2014-06-14
2365 浏览
一知道亚坤系香港开左就双眼发光👀要试下传说中嘅咖咉多！位置好就脚 就系系旧delifrance果个位！ 但shocked嘅系， 系一个星期四嘅下午1点半去到 条队都排都转左弯！ 目测应该等半个钟至九个字啦 所以就决定系呢个烈日当空嘅中午都照等！ 再睇清楚 原来排紧呢条系买野食嘅 要自己再揾位！ 座位唔算爆 买完野食都会有位座 所以朋友迟到都唔紧要 继续排！ 朋友打黎先惊觉向前嘅距离维持十步以内！排左半个钟，都只系转左个弯仔！ 有啲不解点解剩系落单都要咁耐！最后足足排左一个钟先落到单！ 不敢想象假日黎朝拜嘅朋友究竟要排几耐！系呢段朝拜高峰期大家要做好心理准备！饮品餐具落完单自己拎 野食会随后送上因为新开张嘅关系 好多野都未有最后叫左咖咉牛油多士 Kaya butter toast $18: 6分本店嘅名物，但系就有啲失望! 原全冇试食嘅评论讲到咁amazing!可能期望过高啦！ 面包脆但太薄好似冇食到咩咁 咖咉太少 食唔到咩味 可以慷慨啲 牛油就太多 成个toast就好似食牛油一样😔同唔系好够热 相对新加坡版嘅三层就就走左啲味啦...咖咉花生酱蒸包Kaya peanut butter s
一知道亚坤系香港开左就双眼发光👀要试下传说中嘅咖咉多！
位置好就脚 就系系旧delifrance果个位！ 但shocked嘅系， 系一个星期四嘅下午1点半去到 条队都排都转左弯！ 目测应该等半个钟至九个字啦 所以就决定系呢个烈日当空嘅中午都照等！ 再睇清楚 原来排紧呢条系买野食嘅 要自己再揾位！ 座位唔算爆 买完野食都会有位座 所以朋友迟到都唔紧要 继续排！
朋友打黎先惊觉向前嘅距离维持十步以内！排左半个钟，都只系转左个弯仔！ 有啲不解点解剩系落单都要咁耐！最后足足排左一个钟先落到单！ 不敢想象假日黎朝拜嘅朋友究竟要排几耐！系呢段朝拜高峰期大家要做好心理准备！
饮品餐具落完单自己拎 野食会随后送上
因为新开张嘅关系 好多野都未有
最后叫左咖咉牛油多士 Kaya butter toast $18: 6分
本店嘅名物，但系就有啲失望! 原全冇试食嘅评论讲到咁amazing!可能期望过高啦！ 面包脆但太薄好似冇食到咩咁 咖咉太少 食唔到咩味 可以慷慨啲 牛油就太多 成个toast就好似食牛油一样😔同唔系好够热 相对新加坡版嘅三层就就走左啲味啦...
咖咉花生酱蒸包Kaya peanut butter steamed bread $18: 6分
香港先有嘅蒸包 面包就厚过toast食落有质感啲 但系咖咉都系少 完全俾花生酱味盖过 冇咩特别
咖喱喇沙虾面Curry laksa $42： 6分
对佢好有期望点知....冇乜虾味 唔鲜甜 得椰汁同辣味 辣就够辣 唔系好食得辣嘅朋友可以就唔系好啱啦！ 最惨嘅系 啲濑粉完全冇味.... 可以系分开烚... 最后用左下面卤面嘅汁捞 捞完就几好食
马来西亚卤面 Malaysian Mee Rebus $38: 8分
成餐最好食嘅一个 个汁好重花生同甜酱味 辣味亦够 够香！ 甜甜地中和番 唔食得太辣嘅朋友呢个可能比较啱！汁亦相当充足 可以捞番喇沙嘅濑粉 不过如果蛋面面身硬番少少就更好啦！
半熟蛋Signature egg $10：6分
新加坡食法：加上新加坡黑人豉油（味道较香港嘅苦同杰但浓味 所以唔好落咁多呀 一小匙就够！）一向钟意食米熟蛋 但都系冇咩特别 冇话好唔好食 屋企都整到...
奶茶Signature T'eh $22：7分
香滑 加上练奶有啲太甜 不过又唔系想象中咁好饮 都系唔吸引唔到我再饮嘅意欲....
咖啡Signature coffee $22：7分
咖啡味都香嘅 都系加练奶
Conclusion: um....唔系真系话好好味好特别...中规中举啦...唔抱咁大期望可能会好啲！ 不过如果想试都系等朝圣期过左先去会好啲！
张贴
