波士冰室 (已結業)

年初四出街食嘢预左要排队，离远见到Boss冰室，门口有几个人已经排紧队，咁就嗱嗱临排左队先三位唔该，排系我前面嘅都有几家人有啲两位有啲三位有啲紧九位，但系带位阿姐大叫有冇两位可以入，咁就入左两个，之后阿姐问我同面前等紧嘅三位会唔会搭抬 我同佢哋都say no,咁就入咗张九位大枱，再等多阵....突然前面果位男士好似发在癫咁闹点解仲未有枱（我心谂人哋有枱就会比啦，唔通唔做你生意咩，个个都要等）见到佢系咁追住著西装褛嘅店员不停闹，听到都心痛，新年流流开开心心食番餐比佢搞到有污点，在此亦想称讃一下果位西装店员eq真好，对住个蛮不讲理嘅男人仲可以咁有耐性咁同佢慢慢解释👍🏻👍🏻之后个男人走咗，我哋三人仲有位坐🤣🤣，西装店员仲好有礼貌走过嚟同我哋讲唔好意思怕骚扰到我哋。眼见佢唔单止同我一枱say sorry，仲要每枱都有，今时今日嘅香港仲有呢D服务态度，佢老细请到佢赚咗啦！埋单果阵我仲拍左两下西装店员同佢讲加油💪🏻以示鼓励！P.S. 而家嘅香港人压力大到咁，好感动见到仲有人原来仲有个heart系度😭