影片
更多
2017-07-14
572 浏览
开左之后一直想试，其实我一直误会以为地铁站哩间系唐记包点，无仔细睇就会误会， 但都系同一集团，点解同集团卖同类货要两间唔同名，当然生意上有好多技巧野，唔多讲，讲返食物。今次系家人买返黎的，佢话已经pack 定放在保温柜，店员只需入袋，而且无咩客，购买过程超快。由于我一直误会以为系<唐记包点>，所以一见到包装都吓一跳，做咩精美左咁多，包装睇到有啲Design，偏时尚简约，睇黎想打年青人市场，但我一路打开拎食物出嚟过程，越拆越觉得唔妥。佢个饭系叮饭胶盒再仲加个隔热纸套，而个包仲夸张，首先本身个包已经好似老麦咁包左外纸，仲有贴埋贴纸，然后再帮你另入纸袋，觉得绝对过度包装。排骨饭一打开眼见都有好多件排骨，但件件都好细无咩肉，全部都无咩味，但有啲又好咸，个饭饭粒偏硬，有啲似糯米饭，同平时食到既叮饭无分别，到最后排骨唔够𩠌饭另外个菜肉包，个包外形好完美无缺，望落觉得感觉有啲假，包质感偏向硬同实，未去啖啖肉，但包同肉既比例系合格，不过个涵又系得咸味。整体都系叮叮食物质素，唐记包点好食过佢，但如果我要食叮叮食物可以有好多其他选择。现在流行环保，迟啲掉垃圾仲要征费，行快餐路线但过度包装对
今次系家人买返黎的，佢话已经pack 定放在保温柜，店员只需入袋，而且无咩客，购买过程超快。
由于我一直误会以为系<唐记包点>，所以一见到包装都吓一跳，做咩精美左咁多，包装睇到有啲Design，偏时尚简约，睇黎想打年青人市场，但我一路打开拎食物出嚟过程，越拆越觉得唔妥。佢个饭系叮饭胶盒再仲加个隔热纸套，而个包仲夸张，首先本身个包已经好似老麦咁包左外纸，仲有贴埋贴纸，然后再帮你另入纸袋，觉得绝对过度包装。
排骨饭一打开眼见都有好多件排骨，但件件都好细无咩肉，全部都无咩味，但有啲又好咸，个饭饭粒偏硬，有啲似糯米饭，同平时食到既叮饭无分别，到最后排骨唔够𩠌饭
另外个菜肉包，个包外形好完美无缺，望落觉得感觉有啲假，包质感偏向硬同实，未去啖啖肉，但包同肉既比例系合格，不过个涵又系得咸味。
整体都系叮叮食物质素，唐记包点好食过佢，但如果我要食叮叮食物可以有好多其他选择。
现在流行环保，迟啲掉垃圾仲要征费，行快餐路线但过度包装对食家又唔方便，再者始终食物质素先系首要条件，整体上我应该唔会再帮衬喇，我宁愿帮衬返本地集团/小店。
张贴
