牛涮鍋 (已結業)

我地成日话午餐要食火锅~今日终于有机会去食啦~因为我地订左位, 所以一去到就有得入啦;)内面唔算好太多人, 所以环境都算舒服~我地要左$98 任食90分钟放题, 之后叫左清汤底同猪骨汤底~两个汤底要再加$5叫完汤底, 就睇下出面有咩好食, 唔知系午餐既原故,定系呢间比较细, 食物方便都比旺角果间少。饮品既款式就差唔多, 我拣左苹果汁, 但要放多d冰,因为好甜。过左一阵, 个汤底同d肉都黎埋都黎埋虽然汤底既颜色有唔同,但个味道系完全一样.......有d失望牛肉同豚肉有一大碟, 但牛肉唔算太好味~豚肉会好味小小~但我地食完后叫左多碟牛肉同豚肉~碟豚肉系黑黑地嫁...(唔记得影相)我地都无食放左起度。呢度既芋头丸几好味~可惜出面可以拣既野食唔多, 好似食黎食去都系果几款咁。仲有我地系会员, 但原来上年要renewal 个membership, 但无人remind 我地, 所以个member card 用唔到,服务方便做得麻麻。