養心殿台式養生鍋 (已搬遷) 新店位置

呢排劲OT，同事推介养心殿台式养生火锅。平时睇广告睇得多，趁今日收到工，一于同班同事试下个美人锅，睇下可唔可以变回美人。养心殿装修都几台式，坐嘅位置几宽敞。有别于一般台湾任食火锅，呢到嘅锅底，配料都系散叫嘅。见到menu 款款都想试，而且菜类方面，有几款台湾菜系每日飞机直送。点好食物，我地去酱料区拣选酱料，有芫茜，红辣椒，香葱，香醋，蒜泥汁同豉油。美人锅 $188 滋阴养颜嘅汤底，材料有桃胶，乌鸡，杞子，南枣，金华火腿，老火肴制，一定要饮多碗先得。自家制极品水饺（半份）$42 水饺皮薄，虾肉爽口。自家制韭菜饺（半份）$42 韭菜味重，菜同肉酿入粉量都好均匀。手工丸类拼盘（12粒）$108 有鹅肝墨鱼丸，黑松露虾丸，芝士牛肉丸，墨鱼丸，虾丸，梅菜猪肉丸，每款两粒，4个人份量岩岩好，粒粒丸好弹牙。极上雪花肥牛 $188 叫左个中位价试下，牛肉有明显雪花纹，好有牛味，食落好淋。鸭血$48 食台式火锅怎可以唔试鸭血，同平时食嘅猪红系两回事，而且唔容易碎，食得出鸭血有少少骚味。台湾水晶冰菜$78 平时喺街市都好少见到，仲要飞机直送，紧系试下。莴荀$48 好新鲜，不过唔好放入锅太耐，爽会更加好味。