沐白小農 (已結業)

今日去左元朗揾朋友食饭，佢话要介绍间正野俾我原来系呢间台湾过江龙！黎到门口已经见倒有大大块版推介唔同饮品，除左有大热既黑糖珍珠奶茶，仲有唔同茶饮比较少见既豆乳饮品都有！店铺左边有一大块白色既墙，岩哂俾大家打卡🤣必饮既一定系沐白黑糖波霸鲜奶，鲜奶配衬住挂杯既黑糖浆，好靓啊拎上手仲feel倒啲珍珠系暖架！珍珠咬落好烟韧好浓黑糖味，甜度预先调较好但并无过甜！另一杯系我至爱既芋头饮品，大甲芋头鲜奶，我好烦惊冻饮太冻热饮太热😂店员好细心咁帮我叫左去冰。睇个杯都知有一半都系芋头蓉可以食到磨碎左既芋头粒，唔会太甜！最后仲要左杯甘蔗青茶，饮落味道好天然，好清新！夏天饮一定好解渴不过暂时只系得元朗同荃湾有分店，希望快啲开出旺角咁可以方便啲有得饮