玖五牛肉麵 (已結業)

最近由城中名人引入既台湾牛肉面店，餐牌同台湾店有少少分别，就系加左专为香港人而设既蕃茄红烧系列！店员话佢地既食物全部都冇落味精，样样都系真材实料。所以今次黎到我就试左香港先有既蕃茄红烧系列，同埋拌面，仲有两款小食同饮品。1. 蕃茄半筋半肉面 - 我觉得牛肉汤好浓郁，面条都煮得岩岩好，可惜就系冇咩蕃茄味，牛肉又有少少韧。2. 至于牛肉拌面，成个面比汤面淡味好多，我谂加辣应该会好食d，牛肉都系反而普通仲有d韧。3. 小食方面，卤水花干都几有趣，好似淋左既油炸鬼咁吸晒d味，不过食多几旧就觉得咸了。卤水猪肉都一般，煮得太淋，所以冇咩咬口。4. 蜂蜜柠檬珍珠红茶 - 我钟意㖞！珍珠系半透明既，店员话会比黑珍珠健康。整体黎讲，我其实觉得一般，而且价钱略贵，不过当我反应我意见比餐厅知既时候，餐厅都好正面面对，仲话会努力改善，我好欣赏佢地呢份认真，所以我都会比个笑哈哈支持佢地！