船皇 (謝斐道) (已結業)

船面系泰国嘅特色面食，以前有得去旅行嘅时候次次去泰国都会食，呢间有泰国开过嚟嘅船面店见过好多人推介，今次都等我试吓啦😋午巿套餐($78) - 午市套餐会包一碗船面，嘢饮同埋小食。船皇船面🍜 - 我拣咗最多配料嘅船皇船面，入面有牛腩，牛肉，牛丸，鸡丝，鸡翼，猪肉，猪肉丸🤣 净系打配料都水蛇春咁长🤣 样样都想试啲嘅我就啱晒啦！汤底系非常之浓郁嘅牛汤，同台湾牛肉面唔同嘅地方系佢有少少泰式嘅香料味，微微嘅酸同埋香茅令到佢更有泰国特色👍🏼单骨泰妹鸡翼🍗(4件) - 鸡翼系单骨嘅鸡翼，以香炸嘅形式嚟煮，系好经典嘅香茅鸡翼😋炸鸡髀汤面🍜 ($52) - 呢碗系抵食之选，因为佢嘅汤底都系牛肉汤，但系配料就系原只炸鸡髀！鸡髀应该系即叫即炸，热辣辣而且劲大只，大过我手掌✋🏻炸皮出面有少少咸味，应该系落咗椒盐，有少少似盐酥鸡髀嘅感觉，店员仲俾咗手套我用手拎住食，风味十足😈炸云吞皮🥠($12) - 由于汤底实在太好味，所以我哋追加左炸云吞皮用嚟点汤食，就好似打边炉要食炸鱼皮一样😛 云吞皮索晒啲汤好正架！