影片
更多
2020-07-01
1205 浏览
NENE chicken 系出名嘅韩国过江龙炸鸡店，奈何炸鸡都成百几实在太贵，一直都冇入去试。今次行街行到好晏，又见到用app book 有半价就入左去试。初头都有啲胆心，因为网上评价唔太好，但九点入到去都仲系几多人，望落啲食物都唔错，就放心左啲。黎得炸鸡店点会唔叫啲炸鸡，要左半份无骨韩式甜辣炸鸡($94)，冇骨食落真系好满足，啖啖肉。佢嘅炸鸡热辣辣嘅，有十块到，表面都脆同有肉汁，可惜佢𠮶甜辣酱偏甜，冇韩式𠮶种辣，似泰国鸡酱。炸虾紫菜卷伴炒粉丝(＄88)，有10旧kimbap，饭嘅麻油味唔系太出，中间嘅饀份量比例都够，但𠮶炸虾炸粉太淋，口感差左啲，亦唔够调味。粉丝反而味道浓翻啲，有口感整体味道都比较淡口，但系份量非常够，全部都系淀粉质，两三人食都够分。皇室猪肋骨伴芝士（中）(＄162)，份量好大，应该够三个女仔分，因为佢除左猪肋骨仲有一小篮薯条。猪肋骨煮得好淋，够入味，用叉轻轻一叉就可以拆哂啲肉出黎，切都唔使切，食得方便又卫生。围边嘅就系出名嘅韩式拉芝，加埋佢有青红椒嘅配菜，食落好似pizza上面嘅饀，一口肉一口芝士食得好满足，不过食到后尾都因为太多芝士食唔哂。
黎得炸鸡店点会唔叫啲炸鸡，要左半份无骨韩式甜辣炸鸡($94)，冇骨食落真系好满足，啖啖肉。佢嘅炸鸡热辣辣嘅，有十块到，表面都脆同有肉汁，可惜佢𠮶甜辣酱偏甜，冇韩式𠮶种辣，似泰国鸡酱。
炸虾紫菜卷伴炒粉丝(＄88)，有10旧kimbap，饭嘅麻油味唔系太出，中间嘅饀份量比例都够，但𠮶炸虾炸粉太淋，口感差左啲，亦唔够调味。粉丝反而味道浓翻啲，有口感整体味道都比较淡口，但系份量非常够，全部都系淀粉质，两三人食都够分。
皇室猪肋骨伴芝士（中）(＄162)，份量好大，应该够三个女仔分，因为佢除左猪肋骨仲有一小篮薯条。猪肋骨煮得好淋，够入味，用叉轻轻一叉就可以拆哂啲肉出黎，切都唔使切，食得方便又卫生。围边嘅就系出名嘅韩式拉芝，加埋佢有青红椒嘅配菜，食落好似pizza上面嘅饀，一口肉一口芝士食得好满足，不过食到后尾都因为太多芝士食唔哂。
张贴
