艋舺ㄟ雞排 (已結業)

原来艋舺ㄟ鸡排依家已经系香港开左分店，今个weekend特登抽时间过黎铜锣湾会一会佢。除左台湾都有嘅天王鸡排、苔客鸡排、辣妹鸡排同起司鸡排，香港分店仲有避风塘鸡排同蒜香鸡排两款香港限定口味。一场黎到，当然传统同香港限定口味都要试下喇。天王鸡排 ($48)外皮炸得好脆，鸡肉好滑好多汁，劲惹味！苔客鸡排 ($48)鸡排表面劲多海苔粉，每啖都食到浓浓嘅海苔味。避风塘鸡排 ($48)避风堂鸡好多椒盐粉，唔会话好咸，反面椒盐吊起左鸡排嘅鲜味。好食 ！起司鸡排 ($58)表面落左大量芝士。几款鸡排之中佢最香。食起上黎仲有拉丝效果～正！红肉地瓜条/黄肉地球条（$25）地瓜条新鲜热辣。红肉比黄肉甜，黄肉就比较有蕃薯味。两款都好好味。芦荟绿茶/益力多绿茶（$28）芦荟绿茶芦荟粒大大粒，劲有咬口，绿茶有回甘味，好好饮。益力多绿茶酸酸甜甜好开胃。金钻凤梨（$25）凤梨烧完，甜味出晒黎，好好味。可惜唔记得影相。佢所有鸡排都系用新鲜鸡，唔系用雪藏鸡制造，而且所有鸡排都系即叫即炸，保证热辣辣。不过因为即炸，所以要预返时间等一阵先有。估唔到香港分店都有台湾水准，以后口痕都可以系香港止住痕先。