天天海南雞飯 (Fashion Walk)

营业中

休息中

今晚要去铜锣湾上堂，上堂之前突然间好想食海南鸡饭，又咁啱search到附近有呢间嘢就去同朋友去咗食~餐厅整体行高级路线，有室外或者室内座位，不过室外座位喺大马路隔离，所以都系室内感觉良好啲，餐厅啲碗碟同埋餐巾都系黑色的，好型当然一定要嗌海南鸡，另外加左咗一碗油饭，一份中size嘅鸡其实都够两个女仔食😆可以留肚试吓其他嘢，个鸡口感非常滑嫩，一啲都唔会觉得好嚡，而且都冇乜多余脂肪，都好放心食埋块皮。海南鸡跟咗三个佢哋餐厅自家制嘅酱，个人最钟意都系食中间𠮶只辣椒，酸酸甜甜咁好开胃🤤另外叫咗个火焰石烧鱿鱼须，估唔到上枱嘅时候真系即场喺面前烧，烧咗啲迷迭香令鱿鱼须有烟熏嘅感觉，开头都惊咁样烧会令鱿鱼好干好难咬，惊喜地鱿鱼冇过熟，咬落去啱啱好。配咗两个酱一个系沙嗲芥末，另一个系青柠香茅，个人觉得炸啲芥末酱好有趣，夹埋鱿鱼唔会太漏🥰叫左个海底椰排骨炖汤，打开真系有原条排骨好足料，不过整体感觉偏咸，可能下次都唔会再叫。见到佢有啲好特别嘅饮品，包括奶茶豆花咖啡豆花同美禄豆花，因为系晚餐嘅关系，惊饮奶茶咖啡瞓唔着于是叫咗美禄🤣上到嚟杯嘢劲多美禄粉，好似美禄恐龙咁，个底配咗豆腐花，令成杯嘢多咗豆香同埋整体滑