喜來稀肉 (已結業)

喜来稀肉系好耐之食过一次，𠮶时啱啱系香港开，劲受欢迎，虽然味道唔错，但太爆，未有机会再食，最近女友话想食烧肉，最后拣左喜来稀肉，当然要再试试呢条过江龙，睇下水准仲系唔系到。去到时虽然系平日，但都好多人，好彩有book到唔洗等，我哋拣左个壹头牛拼盘，有喜来烤肉、牛五花、牛颈、牛肋骨肉、烤调味牛排骨，之后再追加左个水冷面，同埋叫左两支水果烧酒。个拼盘好快就到，啲生菜、芽菜、泡菜、青瓜、白萝卜，仲有芝士蛋，都已经系哂枱面，唔够可以添加。啲牛肉一到，我哋已经迫不及待就放上去烧，首先烧左喜来烤肉，烧紧已经闻到阵阵香味，一入口果然啖啖浓郁牛味，冇叫错，好食😋 之后到牛五花，虽然听落牛五花以为好肥，但其实对比起平时打边炉既肥牛，我觉得唔算肥，反而烧起黎更加香，烧耐少少都唔怕，更加香脆好食 😋之后到牛颈，牛肋骨肉、同烤调味牛排骨，呢3款都唔错，都有牛味，但因为后者有酱关系，反而觉得冚过咗本身嘅口味。之后既水冷面，为成个烧肉晚餐，画上完美句号，水冷面既酸酸甜甜啱啱好，令到本身食完烧肉嘅肥腻感，一扫而空，perfect😋