沐白小農 (已結業)

元朗台式饮品愈开愈多，净系千式附近已经有几间。每一间都主打唔同嘅饮品，亦都各有特色。而呢间平时经过都留意到但系因为我唔系好好牛奶，所以一直都冇试到。而依排上网见到呢间台式饮品有珍珠放题，你都有唔少好评，放工经过就黎试吓。铺头都算几大，装修亦都非常之台式。晏昼六点钟嚟唔使排队，职员整饮品都好快。间唔中都会有期间限定，而今次就系珍珠放题，不过佢呢只系黑糖珍珠比较甜所以我都冇加到好多。门口亦都有介绍，系用鲜奶而唔系奶粉。饮品种类都唔算少。亦都有自取同埋外送嘅服务连WhatsApp落单同埋WeChat落单都可以，不过就要满$150，如果平时公司几个人一齐叫都好方便最后拣嚟拣去都系叫咗招牌黑糖珍珠鲜奶同埋芋头鲜奶，两杯都超级多料，杯黑糖珍珠鲜奶入边啲黑糖珍珠差唔多落左一半，饮落去每一啖都有珍珠，自己一个饮晒一杯都已经好饱。而芋头鲜奶芋头蓉都差唔多有一半，而且芋头好有质感，唔会搞完之后就溶晒，亦都唔会起粒，系近期见过最好味嘅芋头。呢杯铁观音乌龙鲜奶比想像中出色，茶味好龙痛牛奶比例啱啱好，因为我唔系好钟意饮鲜奶，但系反而呢间嘅鲜奶饮品都接受到，比例好好。