爆汗串串 (已結業)

喺香港好少会食到串串，依间新开喺旺角嘅川菜小店就引入串串香，仲有唔同嘅特色小食。串串一嗌嗌咗三十串，十款每款三串，我哋拣咗鱿鱼、黄喉、肥肠、牛肉、海带、魔芋、鸡肾、豆干、秀珍菇同豆卜。汤底够麻辣，红油一层系上面睇落去劲开胃。鱿鱼系水鱿，觉得唔够辣；黄喉好味，入味有咬劲；肥肠牛肉都够稔身，惹味。鸡肾爽口，豆卜同秀珍菇就索哂啲汤，正！香油碟添加香气，又解辣。清汤水饺皮薄馅香，粒粒结实。棒棒鸡麻酱香，同青瓜一齐食，两个都系解辣小帮手。最后我哋嗌咗乌梅汁，唔系好酸，有后劲嘅梅味，放喺灯泡杯度特别靓🤤