泰贊- 創意泰餐廳 (已結業)

放工系尖沙咀行街，见到呢间泰式餐厅就谂住walk in。其实当晚睇落唔多人等，前面大概有2-3个人。虽然餐厅睇落座位都多，但可能当晚太旺场，结果都要等20分钟先入座。-自家制薯角配芝士香辣蛋黄酱 $65薯角炸得偏啡，表皮口感特别，但食落唔会有㶶味。芝士配香辣蛋黄酱惹味够辣，愈食愈上瘾，但酱料唔会太腻。-冬荫功大虾海鲜炒饭 $105炒饭睇落几有西班牙风情，欣赏炒饭嘅配料都多，有粟米、青豆、红萝卜粒等，令饭粒更入味。海鲜都足料，有大虾、青口、蚬肉等，肉质弹牙。-软壳蟹芒果纸米卷 $85因为加入咗芒果，纸米卷味道其实几清新。但软壳蟹个份量同图片真系有啲分别，唔算好大块。-士多啤梨乳酪 $40入口都清爽，但味道有啲淡，同埋份量唔太多。加上最先系上饮品，之后啲菜式等咗一阵先到，好快就饮晒。