餃掂手工餃子雲吞專門店

过瘾香辣 一口一粒重庆鲜肉云吞～～～返工搞唔掂，收工就黎食饺掂。打工仔就系咁容易满足。～～～睇完餐牌之后叫咗一大堆食物作为星期五嘅晚餐，满足一下心灵，粟米猪肉饺、四川凉面、松茸猪肉饺、重庆鲜肉云吞、蜜饯鸡翼同冻豆浆等等，惊太饱但都忍唔住叫，食唔晒最多打包返屋企比家人食。～～～松茸猪肉饺，湿润多汁，松茸份量多，加埋冇味精状元九鼎汤，系呢度先有嘅独特味道。～～～香甜香脆🌽粟米猪肉饺亦非常不错，同平时自己系屋企煮个d湾仔码头完全系两个世界，肉馅味道好新鲜，加少少佢哋自己仔嘅菜脯，味道又完全唔同晒，味蕾感觉满足。～～～虽然最近天气冻咗唔少，但系依然阻止唔到我叫四川凉面，麻酱加辣油，表面再洒上少少葱花，加埋弹牙嘅面条，令人欲罢不能，觉得得面无𩠌嘅话，就可以叫返个香甜蜜饯鸡翼配搭一下。～～～如果觉得斋食饺子太闷棍，重庆鲜肉云吞都未尝唔系一个好选择，虽然都系肉馅，但系佢哋嘅鲜肉云吞，肉味会更加重，加埋辣而不呛嘅重庆汤汁，一啖一粒，非常过瘾。～～～饺掂手工饺子云吞专门店 湾仔庄士敦道44号地下