Ufufu Cafe (已結業)

两年前，日本九州既芭菲专门店ufufu正式登录香港，两年后既今日，虽然餐厅已经易左手，水准亦稍有不同，但佢仍然系香港最多款式选择既芭菲店，所以不时都仲会光顾下！环境：星期五既夜晚大约7点钟黎到，等左15分钟左右入得，座位宽敞而且间墙够高，岩晒三五知己开怀倾计。服务：值得一提，呢度用餐时间限时90分钟架！同埋最低消费一人一款食物，芭菲都计！卫生：地方同枱凳系干净既，餐具同纸巾放系枱旁既篮仔入面，但冇盖，怕污糟既要抹左先好用。餐厅入面有洗手间，都几卫生干净，系个水龙头坏左开唔到，去完厕所冇得洗手⋯⋯味道：先讲洋意面，好足料，有日本既味道！而个滑蛋烟肉沙律，份量超大，d蛋好滑好好味！到主角芭菲，有成百款选择，真系要拣半日先落到单。芭菲都几大杯，味道就ok啦，始终冇日本既甜品咁精致。抵食：系香港6-70蚊一杯芭菲其实已经系公价，加上呢度都算坐得舒服，得闲都会再上黎！