影片
更多
2025-02-07
0 浏览
天气咁冻，梗系要约埋fd子打边炉啦～今次朋友拣咗呢间位于尖沙咀嘅「香香宫煮」，店舖设计极尽奢华宫廷风，一入到门口就见到金光闪闪嘅龙椅，周围都系古色古香嘅装潢，成个感觉就好似穿越咗返去古代宫廷咁，完全系电视剧场景咁✨店内更提供娘娘服装供打卡，一秒变身清宫剧女主角，真系过足宫煮(公主)瘾🤩木瓜龙趸片鱼汤锅整个锅底以新鲜木瓜做主角，木瓜挖空后铺满新鲜龙趸鱼片，非常吸晴～等到个汤滚起，店员会将木瓜切开，木瓜嘅清香溶入奶白色嘅鱼汤度，令个汤更更鲜甜，鱼肉片亦好新鲜，质感好滑，配埋啲金菇同银芽，口感层次丰富！木瓜除咗帮助分解脂肪之外，仲可以减轻肠胃负担，难怪完全无Heavy嘅感觉✨艾莎公主牛肉宝盒呢个仙气缭绕嘅牛肉宝盒好吸睛！底部加干冰后释放出嘅白烟，将成个牛肉拼盘衬到好似仙境咁梦幻，未食已经过足打卡瘾📸一个宝盒食到牛肉不同部位嘅质感：安格斯牛嘅油花分布均匀，肉质嫩滑，带出浓郁肉味；雪花肥牛入口有满满油香；而手切本地牛口感比较有嚼劲，带有原始嘅风味，果然系真材实料；新鲜牛展肉质结实好有口感；至于一啖一粒嘅牛肉粒，我钟意点啲调味料，释放更多肉味；牛舌软滑富弹性，口感特别；牛黄喉口感爽脆带点弹性，有啲
天气咁冻，梗系要约埋fd子打边炉啦～今次朋友拣咗呢间位于尖沙咀嘅「香香宫煮」，店舖设计极尽奢华宫廷风，一入到门口就见到金光闪闪嘅龙椅，周围都系古色古香嘅装潢，成个感觉就好似穿越咗返去古代宫廷咁，完全系电视剧场景咁✨店内更提供娘娘服装供打卡，一秒变身清宫剧女主角，真系过足宫煮(公主)瘾🤩
木瓜龙趸片鱼汤锅
整个锅底以新鲜木瓜做主角，木瓜挖空后铺满新鲜龙趸鱼片，非常吸晴～等到个汤滚起，店员会将木瓜切开，木瓜嘅清香溶入奶白色嘅鱼汤度，令个汤更更鲜甜，鱼肉片亦好新鲜，质感好滑，配埋啲金菇同银芽，口感层次丰富！木瓜除咗帮助分解脂肪之外，仲可以减轻肠胃负担，难怪完全无Heavy嘅感觉✨
艾莎公主牛肉宝盒
呢个仙气缭绕嘅牛肉宝盒好吸睛！底部加干冰后释放出嘅白烟，将成个牛肉拼盘衬到好似仙境咁梦幻，未食已经过足打卡瘾📸一个宝盒食到牛肉不同部位嘅质感：安格斯牛嘅油花分布均匀，肉质嫩滑，带出浓郁肉味；雪花肥牛入口有满满油香；而手切本地牛口感比较有嚼劲，带有原始嘅风味，果然系真材实料；新鲜牛展肉质结实好有口感；
至于一啖一粒嘅牛肉粒，我钟意点啲调味料，释放更多肉味；牛舌软滑富弹性，口感特别；牛黄喉口感爽脆带点弹性，有啲似食紧海鲜咁～
伊比利亚橡果猪
呢啲猪喺西班牙嘅伊比利亚橡果树林自由穿梭，仲日日食开高级橡果！待遇咁好肉质自然好，猪肉片油花分布均匀，肉质鲜嫩多汁，仲富含Omega 3，配搭翻滚而香喷喷嘅鱼汤，啲猪肉嘅鲜味即刻发挥到200%🤤
手打蟹籽鲜虾丸
每一粒虾丸表面都盖住满满嘅蟹籽，弹性十足！咬开时会见到啲虾肉真系清清楚楚咁藏喺粒丸里面🍤真材实料就系咁简单🙌🏻
香香宫煮响铃拼盘
讲起火锅嘅灵魂，边有得少咗响铃？一款经典原味，另一款深黄色嘅系咸蛋黄味！我钟意放入汤底度浸多几秒，等佢吸收晒个汤底嘅精华！咁样一啖咬落去，汤汁就会爆哂出嚟！要提下个咸蛋黄味真系欲罢不能，咸香味十足，好快就清晒成碟👍
美浓水莲
最吸引就系佢独特嘅口感！爽脆弹牙又唔会太硬，绝对系打边炉嘅清热担当！将水莲放落滚紧嘅汤底，佢嘅脆嫩质感完全保持到，仲吸收晒个汤底嘅精华！仲有个贴心位系有俾铰剪方便食，唔使自己用手搣，方便好多～
竹蔗茅根
用古代嘅壶盛住，即刻感觉高贵咗好多，倒出嚟见到个色泽好靓，金黄色仲透晒光，真系好似古代嘅神仙饮品咁～最出色嘅地方系佢嘅天然甜味，可以平衡返个身体去清走啲燥热🌿又可以清清个口腔，为下一口做好准备，饮完舒服晒！
张贴
