影片
更多
2023-09-04
63 浏览
又嚟打边炉喇喂，今次嚟到来自荃湾嘅「码头故事」过过边炉瘾✔️除咗美食，呢度仲有一份不可忽视嘅设计之味，首先装修风格非常复古，店里灯火明亮，红色大大灯笼挂满天花板，长木台加木板凳都好中国特色，整体就系繁华盛世嘅感觉😚无论喺室内门面、定系细节都做到精益求精，带来独特嘅风格同体验。叫咗个午市火锅特惠套餐 (御前一品九宫格拼盘) 每一格都系唔同嘅配菜。食火锅想享受咩都试嘅就可以喺呢度体验到✔️一米肥牛、一米鸭肠、金牌脆毛肚、正大午餐肉、芝士肠、鹌鹑蛋、鲜红薯粉、3秒海带芽、手工青笋片通通一网打尽～虽然系分开一份份，不过每一碗嘅配菜份量满满，而且有冰垫底，确保材料新鲜，又唔怕点多咗食唔完浪费👀至于汤底拣咗蕃茄汤🍅鲜艳嘅颜色令人喺沉闷嘅火锅味道中跳脱出嚟，一整锅都系红卜卜咁冒住香气，汤底酸味唔算好突出，但浓郁香气充斥住整个口腔😉另外佢哋嘅调味料都齐，由香油到豉油、由芫茜至香葱、由蒜蓉至醋都有，可用各种食材同调味料创造出个人组合！一米肥牛肥牛肥瘦相间，肉质细嫩，粉红嘅瘦肉中夹杂条状嘅脂肪，渌过嘅肥牛都不失佢嘅原汁原味💦一米鸭肠鸭肠呈肉粉色，而且处理得非常干净，一啲腥味都无！夹住佢喺锅里最滚最热嘅位上下烫
又嚟打边炉喇喂，今次嚟到来自荃湾嘅「码头故事」过过边炉瘾✔️除咗美食，呢度仲有一份不可忽视嘅设计之味，首先装修风格非常复古，店里灯火明亮，红色大大灯笼挂满天花板，长木台加木板凳都好中国特色，整体就系繁华盛世嘅感觉😚无论喺室内门面、定系细节都做到精益求精，带来独特嘅风格同体验。
叫咗个午市火锅特惠套餐 (御前一品九宫格拼盘) 每一格都系唔同嘅配菜。食火锅想享受咩都试嘅就可以喺呢度体验到✔️一米肥牛、一米鸭肠、金牌脆毛肚、正大午餐肉、芝士肠、鹌鹑蛋、鲜红薯粉、3秒海带芽、手工青笋片通通一网打尽～虽然系分开一份份，不过每一碗嘅配菜份量满满，而且有冰垫底，确保材料新鲜，又唔怕点多咗食唔完浪费👀
至于汤底拣咗蕃茄汤🍅鲜艳嘅颜色令人喺沉闷嘅火锅味道中跳脱出嚟，一整锅都系红卜卜咁冒住香气，汤底酸味唔算好突出，但浓郁香气充斥住整个口腔😉另外佢哋嘅调味料都齐，由香油到豉油、由芫茜至香葱、由蒜蓉至醋都有，可用各种食材同调味料创造出个人组合！一
米肥牛肥牛肥瘦相间，肉质细嫩，粉红嘅瘦肉中夹杂条状嘅脂肪，渌过嘅肥牛都不失佢嘅原汁原味💦
一米鸭肠
鸭肠呈肉粉色，而且处理得非常干净，一啲腥味都无！夹住佢喺锅里最滚最热嘅位上下烫几次就已经食得～夹出嚟放翻喺自己嘅调味酱碗入面弯弯绕绕，再挂上葱花蒜蓉等，脆爽一口，十分满足😉
金牌脆毛肚
相信无咩耐性嘅朋友打边炉会好钟意食毛肚😂毛肚唔单止可以吸收汤底嘅鲜味，又可以迅速煮熟！而且食落爽爽脆脆，回味无穷 (‼️注意食毛肚一定要快狠准，因为一唔留神就会变得太熟)
正大午餐肉
午餐肉肥瘦比例刚刚好，每一片都有少少粉红色嘅肉粒～吸满汤汁嘅午餐肉口感软糯。搭配香油更能提升午餐肉嘅风味，肉香四溢✨
芝士肠
佢哋啲芝士肠预先已经𠝹咗花，放落去火锅汤底加热就自动会变成"八爪鱼脚"，肠衣脆脆哋，肉质紧实几好食❤️
鹌鹑蛋
我钟意用筷子喺鹌鹑蛋上面笃一个窿，然后灌入调好嘅酱汁再一啖咬落去，呢个时候会有爆汁嘅效果～蛋黄沙沙地同调味酱嘅香味混合埋一齐，爱蛋之人必食🥚
鲜红薯粉
好快就会煮淋，见到佢变得晶莹剔透就可以捞上嚟，QQ糯糯咁而且好滑🤭
3秒海带芽
海带芽堆得满满的～而且本身卡路里唔高可以放心食！如其名：渌几秒就可以即刻食
手工青笋片
自带嘅清甜加上蕃茄汤底嘅味酸中和得恰到好处，味道鲜嫩而且爽口，彷佛将清新嘅气息带到眼前！喺火锅入面浅煮嘅话，口感系香香脆脆嘅；如果钟意软糯啲嘅口感可以喺火锅入面煮耐少少，煮得越耐就变得越淋，呢个时候啲蕃茄汤会吸晒入青you片中，好正㗎🥰
临近尾声都系要用碳水嚟做结尾先称得上完美，套餐另包一款面食，我哋拣咗鸟冬，乌冬煮至稍稍浓稠再裹满番茄汤，实在太香了〰️
四川手工米糕望落好光滑米糕嘅上面淋咗红糖汁，份外诱人～米糕冰甜得嚟绵软滑腻，入口有好大阵米香，加上红糖嘅甜味互相融合，呢一股浓厚嘅甜令我久久不能忘记，系打完边炉必食嘅清凉之品❄️
热情果梳打茶同仙人掌果梳打茶～颜色鲜艳果味香浓，解渴一流，清爽畅喉！
张贴
